ആഴം 
....................................................................
കഴിഞ്ഞ  വർഷം ഈ സമയങ്ങളിൽ 

ഭാഷയുടെ തീരങ്ങൾ കടന്ന് 

ഞാൻ ഒരു വാക്ക് തേടിപ്പിടിച്ചിരുന്നല്ലോ 

അതീവ സ്നേഹത്തോടെ തന്നെ 

ഇക്കഴിഞ്ഞ കാലങ്ങളിൽ 

പോയ വഴിയിലൊക്കെ അതും കൂട്ട് വന്നിരുന്നു 

അപരിചിതമായ വഴികളിൽ 

അനുസരണയോടെ അത് മുട്ടിയുരുമ്മി നിൽക്കും 

എന്തൊക്കെയായാലും ഒറ്റപ്പെടൽ എന്ന വാക്ക് എല്ലാവർക്കും വഴങ്ങുന്ന ഒരു വാക്കല്ല ....

അങ്ങനെ നടക്കുമ്പോൾ,  ഒരുനാൾ 

എന്റെ വിരലുകൾ ആ വാക്കിനുള്ളിൽ തണുത്തു മരവിക്കുമായിരിക്കും 

അതുവരേക്കും 

ഏറ്റവും ഏകാന്തത നിറഞ്ഞ ആ വാക്കിനോട് വിശ്വസ്തത പുലർത്തുക 

...........................................................................